Cəmiyyət
Pleyeri seçin:
Türkiyə Şuşada dünyanın hər yerindəki zəlzələlərin izlənə biləcəyi məntəqə açdı
Şuşa şəhəri ətrafında yaradılan Daşaltı Dərin Quyu seysmik stansiyasında işlərin birinci mərhələsi çərçivəsində seysmik stansiyanın müşahidə məntəqəsi üçün 100 metr dərinlikdə quyu qazılıb və polad borularla mühafizə olunub.
Bu barədə Türkiyə Respublikası Fövqəladə Halların İdarə olunması Agentliyi (AFAD) məlumat yayıb.
Bildirilib ki, quyuya iki yüksək həssaslıqlı zəlzələ sensorları yerləşdirilib. Sensorlar həm yer sürətini, həm də yer səthinin titrəyişini qeydə ala bilir. Həmçinin sensorlar hətta səthi səs-küy olmadan yüksək dəqiqlikli mikrovibrasiyaları qeydə alır.
Bundan sonrakı mərhələdə isə stansiyanın ətrafında xidməti-texniki infrastrukturun yaradılması, stansiya ətrafında istinad divarlarının hörülməsi və s. texniki işlər həyata keçiriləcək.
Azərbaycan Milli Elmlər Akademiyası və AFAD-ın birgə əməkdaşlığı ilə inşa edilən monitorinq stansiyasının dünyada baş verən zəlzələləri izləyə biləcəyi bildirilir.
Kopyalandı
Seçilmişlər
