Xocalıda çərşənbə tonqalı qalandı

İlaxır çərşənbələrdən ikincisi olan Od çərşənbəsi 32 ildən sonra ilk dəfə olaraq Xocalıda da qeyd olunub.

Sakinlər çərşənbə tonqalı qalayıb, odun ətrafına toplaşıblar.

Xocalı sakinləri 32 ildən sonra çərşənbəni burada qeyd etdiklərinə görə sevincli olduqlarını bildiriblər.

“O ağrı, acılardan sonra bu gün bizim üçün çox dəyərlidir. İçimizdə qan ağlasaq da, gözümüz yaşlı olsa da, ürəyimiz sevinclidir. Çünki biz bu gün Xocalıdayıq, bayramı burada qeyd edirik”, – sakin deyib.