Xocasən sakinləri kanalizasiya qoxusundan boğaza yığılıb | Qurum nə deyir?

Xocəsən gölü tullantı sularının axıdılması nəticəsində çirklənməyə məruz qalıb.

Qəsəbə sakinləri deyiblər ki, gölə kanalizasiya suları axıdıldığından ərazidə üfunətdən baş çatlayır. Əsasən də küləkli havada qoxu ətrafdakı evlərə yayılır.

“Bir ildir ki, burada yaşayırıq. İydən nə çölə çıxa bilirik, nə də evə girə bilirik”, – Xocəsən sakini narazılığını bildirib.

Məsələ ilə bağlı “Azərsu”dan bildirilib ki, gələcəkdə həmin ərazi üçün layihə nəzərdə tutulub:

“Layihəyə əsasən, Xocəsən, Sulutəpə və Binəqədinin bir hissəsinin tullantı suları oradan çəkiləcək və kollektorla Lökbatan qəsəbəsi yaxınlığında tikiləcək təmizləyici qurğuya yönəldiləcək. Bu prosesdən sonra gölə tullantı sularının axıdılmasının qarşısı alınacaq”.