Dünya
Pleyeri seçin:
3 hərbçinin həlak olduğu hücumla bağlı ABŞ-dən sərt xəbərdarlıq
ABŞ-nin İordaniya-Suriya sərhədindəki hərbi bazasına pilotsuz uçuş aparat ilə endirilən zərbəyə görə məsuliyyəti İraqın "İslam Müqaviməti" hərəkatı öz üzərinə götürüb.
Bu barədə məlumatı “The Washington Post“ yayıb. Qeyd olunub ki, yanvarın 28-də sözügedən bazaya yaraqlıların hücumu nəticəsində 3 ABŞ hərbçisi həlak olub, azı 34 nəfər yaralanıb.
Hadisə ilə bağlı ABŞ rəsmiləri də reaksiya verib. Bildirilib ki, Qəzzadakı müharibə səbəbindən Yaxın Şərqdə vəziyyətin gərginləşməsindən sonra bu, Amerika hərbçilərinə qarşı ilk ölümcül hərbi əməliyyatdır.
Xatırladaq ki, bundan əvvəl Ağ Ev rəhbəri Cozef Bayden də insidentlə bağlı açıqlama verərək, hadisəni terror aktı kimi qiymətləndirib. Lider hücumun gerçəkləşməsində İran tərəfindən dəstəklənən qrupları günahlandırıb. O həmçinin rəsmi Vaşinqtonun bu hücumu cavabsız qoymayacağını da qeyd edib.
Kopyalandı
Seçilmişlər
