ABŞ-nin tələblərinə baxmayaraq, İsrail Rəfaha girəcək? | Netanyahu

ABŞ-nin etirazlarına baxmayaraq, İsrail əsgərləri Rəfah şəhərinə girəcəklər.

Bu barədə İsrailin Baş naziri Benyamin Netanyahu Knessetin Xarici Əlaqələr və Müdafiə Komitəsinin qapalı iclasında deyib.

"Amerikalılar bizdən Rəfahda əməliyyat keçirməməyimizi istəyiblər, amma başqa seçim yoxdur. Filadelfiya marşrutu üzərində nəzarətə ehtiyacımız var", – deyə B.Netanyahu Misir-Qəzza sərhədi boyunca uzanan sərhəd marşrutuna toxunaraq qeyd edib.

Humanitar yardımla bağlı Baş nazir bildirib ki, onlar qida paylamaq üçün kənar təşkilatlar, həmçinin “özəl şirkətlər” axtarırlar. Onun sözlərinə görə, qəzzalıların getməsinə heç bir maneə olmasa da, dünyada onları qəbul etməyə hazır ölkə yoxdur.

B.Netanyahu əlavə edib ki, İsrail Misirin “Rəfah” keçidini əvəz etmək üçün Kerem Şalomda yeni sərhəd-keçid məntəqəsi tikir və ora İsrail nəzarət edəcək.