Alimlərin aşkarladığı şəhər kimlərə aiddir? | Hərbçilərlə bağlı görün nələr tapıldı

Misirdə aparılan arxeoloji qazıntılar zamanı eramızdan əvvəl 14-cü əsrə aid, Tutanxamonun dövrünə təsadüf edən böyük bir şəhər qalıqları üzə çıxarılıb.

Qazıntılar zamanı alimlər eramızdan əvvəl 332-ci ilə aid yunan məskənini araşdırarkən ondan min ildən artıq əvvələ aid olan, palçıq kərpiclə tikilmiş və tamamilə torpağın altında gizlənmiş qədim bir şəhər aşkar ediblər.

Mütəxəssislərin fikrincə, bu şəhər Misirin qüdrətli XVIII sülaləsinin dövründə ‒ Tutanxamonun atası Ehnatonun hakimiyyəti zamanında salınıb və daha sonra II Ramzesin dövründə genişləndirilib.

Qazıntılar zamanı çoxsaylı əşyalar da aşkarlanıb. Bundan əlavə, ərazidə II Ramzesə həsr olunmuş ibadətgah blokları, eləcə də hərbçilərlə əlaqəli yazıların yer aldığı qəbir abidələri tapılıb.

Alimlər hesab edirlər ki, bu şəhər hərbi qarnizon kimi istifadə olunmuş təşkilatlanmış bir yaşayış məntəqəsi ola bilər.