Avrasiya İqtisadi İttifaqında böhran | İrəvanın yeni siyasi kursu narazılıq yaratdı - Baku TV

“Rusiya Avropa İttifaqına daxil olmaq kursunu Ermənistan üçün dağıdıcı hesab edir”.

Bu barədə Rusiya Federasiya Şurasının sədri Valentina Matviyenko Ermənistan parlamentinin sədri Ruben Rubinyanla telefon danışığında bildirib.

Onun sözlərinə görə, Moskva Ermənistanın Avropa İttifaqına qoşulmaq istəyini mənfi qiymətləndirir.

Matviyenko qeyd edib ki, Ermənistanın quruma daxil olması Avrasiya İqtisadi İttifaqı çərçivəsində əməkdaşlıq prinsiplərinin pozulması deməkdir.

Ruben Rubinyan isə vurğulayıb ki, Rusiya Federasiyasının gözlədiyi kimi, Ermənistan Respublikasının Avropa İttifaqına üzvlüyü ilə bağlı referendumun keçirilməsi yalnız Ermənistanın Avropa İttifaqına rəsmi müraciət təqdim etməsindən və prosesin əsas mərhələsinə qədəm qoymasından sonra praktik olaraq mümkün ola bilər.

Rubinyan həmkarına Ermənistan mallarının Rusiya bazarına ixracına məhdudiyyətlərin qoyulmasından narahatlığını bildirib və bunun Avrasiya İqtisadi İttifaqının tənzimlənməsi çərçivəsində həllinin vacibliyini vurğulayıb.

Bundan əlavə, spikerlər həmçinin ikitərəfli münasibətlərin hazırkı mərhələsini də müzakirə ediblər.