Bayden Si Cinpini diktator adlandırdı

ABŞ Prezidenti Cozef Bayden seçki kampaniyası çərçivəsində maliyyə toplama iclası zamanı Çin lideri Si Cinpini diktator adlandırıb.

Bu barədə o, Kaliforniyada fevralın 4-də ABŞ hava məkanında Çinə məxsus hava şarının vurulması barədə danışarkən bildirib.

ABŞ dövlət katibi Entoni Blinkenin Çinə səfərinin başa çatmasından bir gün sonra çıxış edən C.Bayden Si Cinpinin hava şarı insidentindən narazı qaldığını vurğulayıb.

“Si Cinpinin üzülməyinin səbəbi onun bu şardan xəbəri olmaması idi. Diktatorlar baş verənlərdən bixəbər olanda həmişə böyük çaşqınlıq içində olurlar”, – deyə C.Bayden qeyd edib.