Belarusda KTMT-nin Baş katibi Lukaşenko ilə Ermənistan barədə danışdı

Ermənistan Kollektiv Təhlükəsizlik Müqaviləsi Təşkilatındakı tərəfdaşlarından ona yardım haqqında sənədi gündəmdən çıxarmağı xahiş edib.

Bunu noyabrın 20-də Təşkilatın Baş katibi İmanqali Tasmaqambetov Belarus Prezidenti Aleksandr Lukaşenko ilə görüşündə deyib.

Qeyd olunub ki, Belarus KTMT Şurasının 34 prioritet istiqamətindən 32-sini icra edib. Baş katib əlavə edib ki, 2 tədbirin icrası mümkün olmayıb:

“Bunlardan biri KTMT Şurasının Ermənistana yardımı ilə bağlıdır. Digər müttəfiqlər bu qərarı dəstəkləsələr də, erməni tərəfi bu sənədə maraq göstərməyib. Bundan başqa, işin sonunda bu məsələni, ümumiyyətlə, gündəlikdən çıxarmağı xahiş edib”.