Cinayətkarlar cəzalanacaq | Zaxarova Ukraynaya od püskürdü

Ukrayna Silahlı Qüvvələrinə məxsus pilotsuz uçuş aparatlarının Rusiyanın Kursk vilayətinə hücumu nəticəsində biri feldşer və təcili yardım avtomobilinin sürücüsü olmaqla 5 nəfər həlak olub, 28 nəfər xəsarət alıb.

Rusiya Müdafiə Nazirliyindən verilən məlumata görə, gecə saatlarında hava hücumundan müdafiə qüvvələri Kursk üzərində 4 təyyarə tipli PUA-nı məhv edib.

Rusiya XİN sözçüsü Mariya Zaxarova rəsmi Mokvanın mövqeyini açıqlayaraq hadisənin terror aktı kimi qiymətləndirildiyini bildirib:

“Burada söhbət dinc əhaliyə qarşı növbəti terror aktından gedir. Bu hücum açıq-aydın mülki insanlara, vətəndaşlara qarşı yönəlib. Hazırkı vəziyyətdə lazım olan hər şey edilir. “İstintaq Komitəsi və hüquq-mühafizə orqanları bunu qiymətləndirəcək, sübutlar toplayacaq, lazımi tədbirlər görəcək ki, bütün bunları edənlər məhkəmə qarşına çıxarılsın və cinayətkarlar layiq olduqları cəzanı alsınlar”.

Qeyd edək ki, ilkin məlumata görə, Kurska hücumu Ukrayna ordusunun tərkibində fəaliyyət göstərən Rusiyanın Azadlığı Legionu icra edib.