Dünyanı silkələyən savaş anonsu | İsrail İranı bu tarixdə vuracaq?

İsrail bir neçə gün ərzində İrana hücum edə bilər.

Bu barədə məlumat “The Jerusalem Post”da yayılıb.

Məlumata görə, yarana biləcək gərginliklə əlaqədar ABŞ-nin İraqdakı diplomatik missiyası təxliyə edilib. İsrailin Baş naziri Benyamin Netanyahunun ABŞ Prezidenti Donald Trampa hücuma hazır olduqları ilə bağlı məlumat verdiyi də qeyd olunub. Hətta hücum ABŞ olmadan həyata keçirilə bilər.

İranın müdafiə naziri iyunun 11-də bildirib ki, konflikt yaranacağı təqdirdə ABŞ-nin regiondakı bütün mövqeləri hədəf alınacaq. Bu səbəbdən ABŞ hərbi bazaları hazır vəziyyətə gətirilib. İranla heç cür razılaşdırıla bilinməyən nüvə danışıqları aparan ABŞ İsrailin hücumuna isti yanaşmır. Vaşinqton-Təl-Əviv münasibətlərini nisbətən soyudan da elə İranın qaynar nöqtəyə çevrilməməsidir.

Nəzərə alaq ki, Qəzzada HƏMAS-la savaş davam edir. Bundan başqa, İsrail Livanda “Hizbullah”ın, Yəməndə isə husilərin mövqelərini atəşə tutur. İsrailin Qərb koalisiyası olmadan İrana hücumu 1 dövlətin 4 cəbhədə döyüşməsi deməkdir.

Ekspertlərin fikrincə, İsrail ABŞ-nin hərbi dəstəyi olmadan İrana hücum edərsə, İslam Respublikasının raket zərbələri və proksilərinin intensiv hücumlarına məruz qalacaq.