Ərdoğan Pezeşkiana zəng etdi | Telefon danışığının detalları - Baku TV

ABŞ Hərbi Dəniz Qüvvələri kommersiya gəmilərinin Hörmüz boğazından müşayiətini bərpa edib.

"The Wall Street Journal"ın yazdığına görə, 2 milyon barel neftlə yüklənmiş yunan supertankeri ameriaklı hərbçilərin müşayiəti ilə Oman sahillərindəki dəniz dəhlizi ilə hərəkət edib.

Qeyd edək ki, gəmi mart ayının əvvəlindən Fars körfəzində idi, hazırda isə o, Hindistan istiqamətinə hərəkət edir.

Nəşrin məlumatına görə, yaxın günlərdə ABŞ hərbçiləri tanker və konteyner daşıyan gəmilər də daxil olmaqla təxminən 10 gəmiyə dəstək göstərməyi planlaşdırırlar.

Bu arada Türkiyə Prezidenti Rəcəb Tayyib Ərdoğan iranlı həmkarı Məsud Pezeşkiana zəng edib. Söhbət zamanı ikitərəfli münasibətlər, regional və qlobal hadisələr müzakirə olunub.

Ərdoğan İran xalqının bu çətin zamanları aşacağına və əmin-amanlığa qovuşacağına inandığını ifadə edib. Türkiyə olaraq sülh və sabitliyin təmin edilməsi üçün çalışdıqlarını qeyd edən Ərdoğan danışıqların müsbət nəticələnməsi üçün hər cür dəstəyi verməyə davam edəcəklərini bildirib.

Ərdoğan sonda İran Prezidentini Qurban bayramı münasibətilə təbrik edib.