Ermənistanda daxili parçalanma başlayıb? | Köçəryandan sensasiyalı iddia

“Ermənistanda hakim partiya “klassik proses”ə – daxili parçalanma mərhələsinə qədəm qoyub”.

Bu barədə yerli ekspert Tiqran Köçəryan danışıb.

“Ümumilikdə bu mübarizədə “Ter-Petrosyançılar”, digər tərəfdən obrazlı desək, “yeni bolşeviklər” yer alıb. Aydındır ki, bu iki istiqamətin ortaq nöqtəsi yoxdur. Məsələn, Andranik Köçəryanın Soros üzvlərindən biri ilə, yaxud Xaçatur Sukiasyanın Mxitar Ayrapetyanla ortaq cəhəti nə ola bilər? Onlar müxtəlif nəsillərin nümayəndələri, fərqli ideologiyaların daşıyıcılarıdır. Belə bir vəziyyətdə hər kəsin yorğanı öz üzərinə çəkməyə çalışacağı göz qabağındadır”, – deyə o qeyd edib.

Tiqran Köçəryanın sözlərinə görə, parlamentin Müdafiə və təhlükəsizlik komitəsinin rəhbəri Andranik Köçəryan əsl istədiyi yerdə – intriqaların mərkəzindədir.

Erməni ekspertin fikrincə, onun ilk qurbanı keçmiş müdafiə naziri David Tonoyan olub. Köçəryan hesab edir ki, keçmiş ədliyyə naziri Qriqor Minasyanın istefaya göndərilməsi məsələsində Andranik Köçəryanın əli var.

Tiqran Köçəryana görə, bu vəziyyət Andranik Köçəryanla partiyanın üzvlərini birləşdirib.

“Məsələn, çətin ki, D.Tonoyanla yaxın münasibətdə olan Vilen Qabrielyan A.Köçəryanın hərəkətlərini bağışlasın. Fakt odur ki, A.Köçəryanın “Vətəndaş sazişi” ilə qopma prosesi getdikcə daha da dərinləşəcək və bu ixtilafı uzun müddət idarə etmək mümkün olmayacaq.

Andranik Köçəryanın reytinqinin kiçik olduğunu nəzərə alaraq müəyyən mərhələdə Nikol Paşinyan vəziyyəti müvəqqəti yumşaltmaq üçün onu qurban verə bilər. Amma A.Köçəryan bu partiyadaxili intriqalardan qalib çıxa bilsə, onun növbəti qurbanı Nikol Paşinyanın özü olacaq”, – deyə Tiqran Köçəryan bildirib.