Helikopter qəzasında həlak olan XİN rəhbəri Abdullahian torpağa tapşırıldı

İran xarici işlər naziri Hüseyn Əmir Abdullahian Tehranda dəfn olunub.

Bu barədə yerli media məlumat verib.

Bildirilib ki, mərhum baş diplomat paytaxtda yerləşən Əbdüləzim Həsəni ziyarətgahında dəfn edilib.

Dəfn mərasiminə İran Prezidentinin vəzifəsini icra edən Məhəmməd Moxber, xarici işlər naziri vəzifəsini icra edən Əli Baqeri Kəni və digər rəsmilər qatılıblar.

Qeyd edək ki, mayın 19-da İran Prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmmədəli Əl-Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb. Qəza nəticəsində 9 nəfər həlak olub.