“İran xalqı zülmdən qurtulacaq” | İran və ABŞ-İsrail gərginliyi pik həddə - Baku TV

“Bizim məqsədimiz İran xalqını zülm boyunduruğundan qurtarmaq üçün imkan yaratmaqdır. Nəticə etibarilə, bu onların özlərindən asılıdır. Lakin şübhəsiz ki, indiyə qədər görülən tədbirlər sayəsində onların sümüklərini sındırırıq və bundan daha artığı olacaq”.

Bu sözləri İsrailin Baş naziri Benyamin Netanyahu deyib.

O, eyni zamanda bildirib ki, əgər İsrail İran xalqı ilə birlikdə uğur qazana bilsə, fundamental dəyişikliklər yaranacaq.

İran İslam İnqilabı Keşikçiləri Korpusu bəyan edib ki, ABŞ və İsrailin hücumları davam edərsə, Yaxın Şərqdən bir litr də olsun neftin çıxmasına icazə verməyəcək.

Donald Tramp bu açıqlamaya cavab olaraq ABŞ-nin bu həyati əhəmiyyətli enerji bölgəsindən ixracı dayandıracağı təqdirdə İrana daha ağır zərbələr vuracağını bildirib.

İsrail müharibə məqsədinin İranın ruhani hakimiyyət sistemini devirmək olduğunu bildirir.

ABŞ rəsmiləri isə əsasən Vaşinqtonun İranın raket imkanlarını və nüvə proqramını məhv etməkdə israrlı olduqlarını deyirlər, lakin D.Tramp müharibənin yalnız itaətkar İran hökuməti ilə başa çata biləcəyini bildirib.