İsrail atəşkəs təklifini rədd etdi | Netanyahunun növbəti planı nə olacaq?

İsrailin Baş naziri Benyamin Netanyahu Misirin 27 oktyabrda təklif etdiyi atəşkəs təşəbbüsünü rədd etdi.

Təklifdə Qəzza zolağında 28-30 oktyabr tarixlərini əhatə edən iki günlük atəşkəsə nail olmaq istəyi yer alırdı. Misir hakimiyyəti tərəfləri danışıqlar masasına əyləşməyə və uzunmüddətli sabitliyə nail olmağa səsləsə də, rəsmi Təl-Əviv bununla razılaşmadı.

İsrail mətbuatı xəbər verir ki, Misir Prezidenti Əbdülfəttah əs-Sisi açıqlamasında bildirib ki, Misir bir neçə fələstinli məhbusun əvəzində dörd israilli girovun azad edilməsi üçün Qəzzada iki günlük atəşkəs təklifi irəli sürüb:

“Atəşkəsin müddətini uzadaraq tərəflər arasında 10 gün ərzində danışıqların aparılmasını planlayırdıq”.

Netanyahunun bu təklifə rədd cavabı verməsinin isə bir ehtimalı var. İsrail təxmin edir ki, 101 nəfərə yaxın vətəndaşı hələ də Qəzzada HƏMAS qruplaşmasının əlində əsirdir, onlar azad edilməyənə qədər müharibə bitməyəcək. Halbuki sözügedən şəxslərin hamısının sağ olub-olmaması da artıq şübhə doğurur.