İsrail Qəzzadakı istəyinə çatdı | Hökumətin istefa verməsinin səbəbi

Fələstinin Baş naziri hökumətin istefasını Prezident Mahmud Abbasa təqdim edib.

Bu barədə 2019-cu ildən Fələstinin Baş naziri vəzifəsini icra edən Mohammed Ştayyeh bildirib. =

Onun sözlərinə görə, hökuməti istefa verməyə 2 amil vadar edib. Birincisi, işğal altındakı İordan çayının qərb sahilində artan zorakılıq və Qəzzaya qarşı müharibə, ikinci səbəb isə yaranmış mövcud vəziyyətlə mübarizədə hökumətin nümayiş etdirdiyi acizlikdir:

“Mən bu qənaətdəyəm ki, növbəti mərhələ və onun problemlərinin həlli Qəzzada yeni reallıqların nəzərə alınması ilə Fələstinin bütün ərazilərini əhatə edən vahid hakimiyyətə əsaslanan yeni hökumət və siyasi mexanizmlər tələb edir. Bu xalqın dayanıqlı siyasi iradə nümayiş etdirə biləcək yeni hökumətə ehtiyacı var”.

Xatırladaq ki, bir neçə gün əvvəl Qərb mediası bu hadisələrin yaşana biləcəyini ehtimal edərək Fələstin hakimiyyətini istefaya səsləyən məqalələr dərc edirdi. Hətta bəzi ekspertlər bu hadisələrin məhz ABŞ-nin təzyiqi altında reallaşdırıldığını da istisna etmirlər.