İsrail və Suriya müharibəyə son qoyur, yoxsa...? | Yaxın Şərqdəki son vəziyyət

İsrailin Baş naziri Benyamin Netanyahu və Suriyanın müvəqqəti prezidenti Əhməd Əl Şaraa Vaşinqtonun dəstəyi ilə atəşkəs barədə razılığa gəlib.

Bu barədə ABŞ Prezidentinin Suriya üzrə xüsusi nümayəndəsi Tomas Barrak "X" səhifəsində yazıb.

O əlavə edib ki, atəşkəs razılığı Türkiyə, İordaniya və digər qonşu dövlətlər tərəfindən də dəstək alıb.

T.Barrak həmçinin bildirib ki, ABŞ druzları, bədəviləri və sünniləri silahı yerə qoyub yeni və vahid Suriya yaratmağa çağırır.

İsrailin xarici işlər naziri Gideon Saarın göstərişi ilə Suriyanın Suveyda vilayətində yaşayan druzlara humanitar yardım göndəriləcək.

İsrail Xarici İşlər Nazirliyi tərəfindən maliyyələşdiriləcək yardımlara ərzaq məhsulları, tibbi avadanlıqlar, ilkin tibbi yardım ləvazimatları və dərmanlar daxildir. Nazirlik yardımların “müəyyən yolla” çatdırılacağını deyib.

Qeyd edək ki, İsrail mart ayında da Suriya druzlarına yardım göndərib.