Kiyevdən Moskvaya atəşkəs təklifi: söhbət hansı sahələrdən gedir? - Baku TV
Yeniliklərdən dərhal xəbərdar olun
Ukrayna Qara dənizdə və energetika sektorunda Rusiya Federasiyası ilə atəşkəsə dair təkliflərini beynəlxalq tərəfdaşlarına təqdim edib.
Bu barədə Ukraynanın xarici işlər naziri Andrey Sibiqa G7 ölkələrinin xarici işlər nazirlərinin görüşünün yekunlarına dair bildirib.
Onun sözlərinə görə, Kiyev deeskalasiyanın tərəfdarıdır və Moskvanın cavabını gözləyərək atəşkəs üçün öz yanaşmalarını təklif edir. Bu məsələlər həmçinin Ukrayna, ABŞ və Rusiya arasında Əbu-Dabidə keçirilən üçtərəfli danışıqlar çərçivəsində də müzakirə olunur.
Sibiqa qeyd edib ki, danışıqların əsas mövzuları arasında Ukrayna və Avropa üçün təhlükəsizlik zəmanətləri, eləcə də müharibənin başa çatmasını sürətləndirə biləcək Ukrayna və Rusiya prezidentləri Volodimir Zelenski ilə Vladimir Putinin mümkün görüşü yer alır.
Qeyd olunur ki, BƏƏ-də danışıqların ilk raundu təxminən dörd saat davam edib.
Mənbələrin məlumatına görə, tərəflər həmçinin Ukraynanın müharibədən sonrakı bərpası və Avropa təhlükəsizlik arxitekturasının perspektivlərini müzakirə ediblər. Bundan başqa, yaxın vaxtlarda hərbi əsirlərin genişmiqyaslı mübadiləsi barədə razılığın əldə olunduğu bildirilir.
Əbu-Dabidəki danışıqlar noyabrın 11-də davam etməlidir.
Andrey Sibiqa həmçinin Rusiyanın Ukraynanın enerji infrastrukturuna hücumlarını davam etdirdiyini və ABŞ-dan hava hücumundan müdafiə sistemləri üçün raketlərin tədarükünü sürətləndirməsini xahiş etdiyini bildirib.
#Ukrayna Xarici İşlər Nazirliyi teqi istifadə olunub
- İsrail 8-ci cəbhədə savaşa hazırlaşır? | Avropa Britaniyaya qapılarını açacaq? - YENİ BİR SƏHƏR
- Andrey Sibiqa nələrdən danışdı | Sülh baş tutacaq? - Baku TV CANLI
- Azərbaycan xarici işlər naziri Kiyevdə bir sıra görüşlər keçirir - Baku TV
- Ukrayna və İran XİN başçıları regional təhlükəsizlik barədə fikir mübadiləsi aparıblar
- Əraqçi Sibiqa ilə telefon danışığının təfərrüatlarını açıqlayıb - Baku TV
