Makronun yeni oyunu: Erməni terrorçularla görüşdü

Fransa Prezidenti Emmanuel Makron Yelisey Sarayında Fransa Erməni Təşkilatlarının Koordinasiya Şurasının həmsədrləri Ara Toranyan və Murad Papazyanı qəbul edib.

Məlumatı Fransadakı Erməni Təşkilatlarının Koordinasiya Şurasının mətbuat xidməti yayıb. Makron erməni icmasının nümayəndələri ilə Laçın yolunda azərbaycanlı ekofəalların keçirdiyi aksiya nəticəsində Qarabağda yaranmış vəziyyəti müzakirə edib.

Ara Toranyan və Murad Papazyan Fransa Prezidenti tərəfindən onlara göstərilən diqqətə görə minnətdarlıqlarını və rəsmi Parisin Qarabağ ermənilərinin müdafiəsində öz rolunu gücləndirəcəyinə ümid etdiklərini bildiriblər.

Qeyd edək ki, Ara Toranyan ASALA terror təşkilatının rəhbəridir. Murad Papazyan isə Fransada Azərbaycan əleyhinə təşkil olunan kampaniyaların əsas rəhbərlərindən biridir.