Pleyeri seçin:
Marko Rubio Əbu-Dabidəki üçtərəfli danışıqları şərh edib
"Rusiya-Ukrayna müharibəsinin sülh yolu ilə başa çatması üzrə həll olunmamış məsələlərin sayı tədricən azalır, lakin gündəlikdə hələlik ən çətin məsələlər qalır".
Bu barədə ABŞ dövlət katibi Marko Rubio keçirdiyi mətbuat konfransında Vaşinqton, Kiyev və Moskvanın Əbu-Dabidəki üçtərəfli danışıqlarını şərh edərkən bildirib.
"Həll olunmamış məsələlərin sayı əhəmiyyətli dərəcədə azalıb. Bu, yaxşı xəbərdir. Pis xəbər ondan ibarətdir ki, ən çətin məsələlər hələ də qalır", – deyə o vurğulayıb.
Rubio qeyd edib ki, üç ölkənin nümayəndə heyəti Ukraynada vəziyyətin sabitləşməsi üçün konkret həll yollarının və praktiki addımların axtarışına yönəlmiş məsləhətləşmələri davam etdirir.
"Bu barədə deyə biləcəyim yeganə şey odur ki, biz Amerika administrasiyası olaraq bu işə çox vaxt və enerji sərf edirik. İrəliləyişin olub-olmayacağını görmək üçün mümkün olan hər şeyi etməyə davam edəcəyik", – deyə xarici siyasət idarəsinin rəhbəri bildirib.
Kopyalandı
#Marko Rubio teqi istifadə olunub
- ABŞ Venesuelada diplomatik mövcudluğunu bərpa etməyi planlaşdırır
- Ceyhun Bayramov Marko Rubio ilə nələri müzakirə etdi? - Baku TV
- "Azərbaycan mədəniyyəti – 2040" konsepsiyası | Üç regional ölkədən ABŞ-yə çağırış - YENİ BİR SƏHƏR
- Marko Rubio və Ararat Mirzoyan "Tramp Marşrutu"nun icrası üzrə bəyannaməni təsdiqləyib - Baku TV
- Mirzoyan və Rubio Vaşinqtonda görüşdülər
