Naira Zöhrabyan: ABŞ səfirini Ermənistanda yaşamağa dəvət edirəm

“ABŞ səfirini ailəsi ilə köçməyə və zənn etdikləri demokratiya “çırağında” – Ermənistanda yaşamağa dəvət edirəm. ABŞ səfirinə arzu edirəm ki, onun qohumları belə uydurma cinayət işlərindən keçsinlər”.

Bunu Ermənistan parlamentinin keçmiş deputatı Naira Zöhrabyan ABŞ səfirinin Ermənistanın Cənubi Qafqazda “demokratiya çırağı” olması barədə bəyanatını şərh edərkən bildirib.

“Bu yaxınlarda Avropa strukturlarında görüşlərdən qayıtdım. Oralarda Ermənistan Respublika Partiyasının vitse-prezidenti Armen Aşotyanın siyasi məhbus olduğunu tanımayan struktur yoxdur. Şəxsi söhbətlərdə deyirlər ki, A.Aşotyanın işinin tez yekunlaşaraq Avropa Məhkəməsinə çatması düzgün olardı, çünki orada bütün bu “bleflər” çökəcək.

Amma sual verəndə ki, Avropa strukturları niyə insan həbsinə susurlar, açıq şəkildə bizə deyirlər ki, Nikol Volodimir Zelenski, Mixeil Saakaşvili kimi bizim uşağımızdır və bütün sözügedən beynəlxalq strukturlara Nikol Paşinyan regionda cızdıqları yol xəritəsini həyata keçirmək üçün lazımdır. Ona görə də N.Paşinyana zidd olan heç bir həqiqəti onlar üzə çıxarmayacaqlar”, – o bildirib.