Netanyahu SEPAH-ın üzvlərinə xəbərdarlıq etdi - Baku TV

İsrailin Baş naziri Benyamin Netanyahu SEPAH-ın üzvlərinə xəbərdarlıq edib.

“İran xalqına zülm edənlər və SEPAH üzvləri, sizə demək istəyirəm ki, bizim diqqətimizdəsiniz, silahınızı yerə qoyun. Əgər buna əməl etsəniz, silahı yerə qoyan heç bir kəsə zərər verilməyəcək. İsrailin əldə edəcəyi uğur təkcə nüvə təhlükəsinin aradan qaldırılmasına deyil, həm də İsraillə İran arasında sülhün yaranmasına səbəb ola bilər”, – deyə Benyamin Netanyahu bildirib.

O həmçinin bu rejimin bütün dünyanı təhlükəyə atdığını qeyd edib.

B.Netanyahu əlavə edib ki, İranın hücumlarından zərər çəkən bir sıra ölkələr İsraillə əlaqə saxlayıb və Təl-Əviv onların yanında olduğunu bəyan edib.

Baş nazir həmçinin vurğulayıb ki, bir çox dövlətlər İsrailin hərbi və texnoloji imkanlarını gördükdən sonra əməkdaşlıq üçün müraciət edir.