Netanyahudan aranı qarışdıran əmr | Fələstinli məhkumlar niyə qaytarılmır?

İsrailin Baş naziri Benyamin Netanyahu Təl-Əvivə hələ də HƏMAS girovluğunda saxlanılan şəxslərə təhlükəsizlik zəmanəti verilənə qədər fələstinli məhbusların azad edilməsi prosesinin müvəqqəti dayandırılması barədə göstəriş verib.

Bu barədə Baş nazirin ofisi bəyanat yayıb.

“B.Netanyahu müdafiə naziri İsrael Katzla birlikdə girovlarımızın növbəti mərhələlərdə təhlükəsiz çıxışı təmin olunana qədər terrorçuların azad edilməsini təxirə salmağı əmr edib”, – deyə bəyanatda qeyd olunub.

İsrail girovların təhlükəsizliyinin təmin olunması üçün vasitəçilərdən – beynəlxalq humanitar təşkilatlardan kömək istəyib. Onda belə çıxır ki, yanvarın 31-də İsrail tərəfinin Fələstinə geri qaytarmalı olduğu 200 məhbus azadlığa qovuşa bilməyəcək. B.Netanyahunun bəlli bəyanatına isə hələlik qarşı tərəfdən cavab gəlməyib.