Netanyahudan nazirlərə qadağa | Bunu etməkdən çəkinin

“Təl-Əvivin Livandakı peycer partlayışları ilə əlaqəsi yoxdur”.

Bunu İsrail Prezidenti İsxak Hersoq “Sky News” telekanalına müsahibəsində deyib.

Onun sözlərinə görə, Təl-Əviv Livanla müharibə etmək istəmədiyi üçün bu cinayətdə iştirak etmir.

O bildirib ki, “Hizbullah” hərəkatında bunu edə biləcək çoxlu bədxahlar var.

“Livan terror təşkilatının və bununla yanaşı, “Hizbullah”ın siyasi partiyasının girovuna çevrilib”, – deyə yəhudi dövlətinin başçısı bildirib.

İsrailin İrana raket hücumu ilə bağlı isə prezident qeyd edib ki, Təl-Əviv öz xalqını müdafiə edəcək və hər cür təhlükəni aradan qaldıracaq.

Bu arada, İsrailin Baş naziri Benyamin Netanyahu Livanın “Hizbullah” hərəkatı ilə qarşıdurmanın kəskinləşməsi fonunda İsrail hökumətinin nazirlərinə müsahibələrdən çəkinməyi tapşırıb. Daha əvvəl İsrail hökuməti nazirlərinə və Netanyahunun Likud partiyasından olan parlamentarilərə sentyabrın 18-də Livana kiberhücumla bağlı vəziyyətə dair şərh verməkdən çəkinmək tapşırılıb.