Nüvə silahları işə salınacaq | Kosmosa qədər gedib çıxacaq savaş

Dünya qarşıdakı on il ərzində hansı istiqamətdə dəyişəcək?

Qlobal güclərin rəqabəti, texnoloji yeniliklər və ekoloji dəyişikliklər yeni dünya nizamını necə formalaşdıracaq?

İnsanlığı hansı böyük təhlükələr gözləyir?

357 beynəlxalq strateq və mütəxəssisin proqnozları gələcəyə dair narahat bir mənzərə yaradır. Bəs bu təhdidlər qaçılmazdırmı?

Son sorğular göstərir ki, xüsusilə ABŞ, Çin və Rusiya kimi güc mərkəzlərinin iştirak edəcəyi Üçüncü Dünya müharibəsi 2035-ci ilə qədər başlaya bilər.

Sorğuda iştirak edən mütəxəssislərin 40,5%-i böyük güclərin iştirakı ilə genişmiqyaslı bir müharibənin baş verəcəyinə inanır. Bu münaqişənin təkcə ənənəvi döyüş taktikasını deyil, həm də nüvə silahlarından və kosmosda hərbi əməliyyatlardan istifadəni əhatə edəcəyi ehtimal edilir.

Respondentlərin fikrincə, dünya yeni beynəlxalq ittifaqların yaranması ehtimalı ilə qarşı-qarşıyadır. Mütəxəssislərin 47,4%-i Çinin Rusiya, İran və Şimali Koreya ilə birlikdə yeni bir ittifaq yaradacağına inanır. Bu cür birləşmələr gələcək qlobal münaqişələri daha da mürəkkəbləşdirə bilər.