O, Ağ Ev qarşısında cavab verməli olacaq | 24 saat ərzində nə baş verə bilər?

Amerika Prezidenti Donald Tramp yaxın 24 saat ərzində ABŞ-nin BMT-nin İnsan Hüquqları Şurasından (UNHRC) çıxması və BMT-nin Fələstinli Qaçqınlara Yardım və İşlərin Təşkili üzrə Yaxın Şərq Agentliyinin (UNRWA) maliyyələşdirilməsinin dayandırılması ilə bağlı fərman imzalayacaq.

Bu barədə “Politico” nəşri məlumat yayıb.

Onlayn qəzetin iddialarına görə, İsrailin Baş naziri Benyamin Netanyahunun Vaşinqtona səfəri ərəfəsində məhz bu fərmanın gündəmə gəlməsi maraq yaradır. Danışıqların baş tutması üçün bu, İsrail tərəfinin tələbi ola bilərmi? Bu suala cavab vermək hələ ki mümkün olmasa da, D.Trampın BMT-yə meydan oxuduğu açıq-aşkar ortadadır.

Sözügedən fərmana əsasən, ABŞ Dövlət katibi Marko Rubio məhz bu qərardan sonra Ağ Ev qarşısında hesabat verməli olacaq. O, hansı beynəlxalq təşkilatların və ya assosiasiyaların radikal və anti-Amerika siyasətini təbliğ etməklə məşğul olduğu barədə suallara cavab verməlidir.