“O İran rəsmilərinin həbsi...” | İsrail nəşrində qalmaqallı məqalə

Nyu-York şəhərinin yeni meri Zöhran Mamdani ikiüzlüdür, əgər o, həqiqətən beynəlxalq hüququn tətbiqində maraqlıdırsa, bəs niyə ən müxtəlif cinayətlərdə ittiham olunan İran rəsmilərinin həbsini tələb etmir?

Bu barədə “The Jerusalem Post” qəzeti Nyu-York merinin İsrail Baş naziri Benyamin Netanyahu Nyu-Yorka səfər edəcəyi təqdirdə onun həbs edilməli olduğu barədə məqaləsində bildirib.

“Seçilmiş mer beynəlxalq hüquqa uyğun hərəkət etsəydi, terrorizmin maliyyələşdirilməsinin qarşısının alınması haqqında 1999-cu il Beynəlxalq Konvensiyası və BMT Təhlükəsizlik Şurasının 1373-1540 saylı qətnamələrinin pozulmasına görə İran rəsmilərinin həbs edilməsini tələb etməli idi. Bu beynəlxalq qanunvericilik dövlətlərin terror təşkilatlarına dəstəyini qadağan edir”, – nəşr yazıb.

“Jerusalem Post” bildirib ki, bununla belə, İran açıq şəkildə HƏMAS və “Hizbullah” terror təşkilatlarını pul, təlim, silah və sığınacaqla təmin edir, amma Zöhran Məmdani heç vaxt İran rəsmilərinin həbsini tələb etməyib.

“Mamdani üçün beynəlxalq hüquq hüquqi çərçivə deyil, bu yalnız yəhudilər və İsrailə qarşı tətbiq olunan bir vasitədir, kütləvi qatillər, diktatorlar və terrorizmin maliyyələşdirənlərinin qınanılmasını tələb edən anda kənara atılır”, – İsrail nəşri əlavə edib.