Onların kütləvi yox edilməsi… | İran ABŞ və İsraili necə qorxuya salıb?

“İran nüvə silahı əldə etməyə can atmır, çünki İslam dövlətinin prinsipləri günahsız insanların kütləvi şəkildə öldürülməsini qadağan edir”.

Bunu İran Prezidenti Məsud Pezeşkian yerli media nümayəndələrinə açıqlamasında deyib.

“Nüvə proqramının nəzərdən keçirilməsi asan məsələdir. Amma İran nüvə silahı əldə etməyə çalışmır. İsrail uzun müddətdir Tehranın nüvə silahını işə salmaq istədiyini və bunun mövcud təhlükə yaratdığını iddia edir. Biz nə müharibə, nə də insan tələfatına yol açacaq gərginliklərin tərəfdarıyıq”, – deyə o bildirib.

Xatırladaq ki, İranın nüvə silahı əldə etmək üzrə olması barədə iddialar həm ABŞ Prezidenti, həm də İsrailin Baş naziri tərəfindən dəfələrlə səsləndirilib. Donald Tramp və Benyamin Netanyahunun son görüşündə də bu məsələnin ciddi narahatlıq yaratdığı vurğulanaraq İrana qarşı birgə mübarizə aparmağa dair razılıq əldə olunub.