Paşinyanın arvadının görün kimlərlə səmimi görüntüləri yayıldı

Ermənistan Baş naziri Nikol Paşinyanın həyat yoldaşı Anna Akopyan “qanuni oğru” Arsen Mkrtçyanın ailə üzvləri ilə görüşüb.

Bu barədə “Hraparak” qəzeti məlumat yayıb.

Nəşr yazıb ki, Nikol Paşinyan cinayətkar aləmə qarşı mübarizə görüntüsü yaratdığı bir vaxtda, onun ailə üzvləri kriminal avtoritetlər və “qanuni oğrular”ın ailələri ilə yaxınlıq edir.

“Bir neçə gün öncə Anna Akopyanla keçirilən növbəti pullu şam yeməyində “qanuni oğru” “Arsen Yerevanski” ləqəbi ilə tanınan Arsen Mkrtçyanın həyat yoldaşı və qızı da iştirak ediblər. Onlar İrəvanda “Nayek aqjikner” mağazasını idarə edirlər.

İnternetdə həmçinin müxtəlif digər məclislər və tədbirlərdən çoxsaylı fotolar yayılıb. Həmin fotolarda “qanuni oğru”nun həyat yoldaşı, qızı və Paşinyanın qızları bir yerdə görünürlər. Məlumata görə, son dövrlərdə onlar çox yaxınlaşıblar”, ‒ deyə nəşr qeyd edib.