Rəsmi İrəvan Rusiyanı məhkəməyə verməkdən imtina etdi

Ermənistan tədarük olunmayan silahlara görə Rusiyanı məhkəməyə verməkdən imtina edib.

Bu barədə ölkənin müdafiə nazirinin müavini Qraçya Sarkisyan dekabrın 4-də parlamentdə keçirilən brifinq zamanı deyib.

Bildirib ki, yaranmış problem qarşılıqlı tərəfdaşlıq şəraitində həll edilməlidir.

Xatırladaq ki, noyabrın 24-də Baş nazir Nikol Paşinyan Moskvanın İrəvana silah tədarükünü gecikdirməsi barədə açıqlama verib. N.Paşinyan hazırda problemin həlli üçün hansı mexanizmlərdən istifadə oluna biləcəyi ilə bağlı müzakirələrin aparıldığını qeyd edib.

Versiyalardan biri kimi Ermənistanın Rusiyaya olan borcunun elə həmin silahların dəyərində, yəni 400 milyon dollar azaldılması səsləndirilib.