Taxıl sazişinin ləğvindən sonra Ukraynadan çıxan ilk gəmi

Rusiyanın “Taxıl sazişi”ndən çıxmasından sonra Ukrayna limanlarını tərk edən ilk quru yük gəmisi Bosfor boğazına daxil olub. Bu barədə Türkiyə mediası məlumat yayıb.

Bildirilib ki, Honkonq bayrağı altında üzən “Joseph Schulte” adlı konteyner gəmisi avqustun 17-də axşam saatlarında İstanbuldakı Ambarlı limanına daxil olub. Kənd təsərrüfatı məhsulları daşıyan yük gəmisinin marşrutu barədə məlumat verilməyib.