Trampın tarif siyasətinə qarşı Avropa İttifaqından gözlənilməz qərar

Avropa Mərkəzi Bankının prezidenti Kristin Laqard Avropanı “Visa, Mastercard”, “PayPal” və “Alipay” kimi ABŞ və Çin platformalarından asılılığa son qoyan inqilaba çağırıb.

O bildirib ki, Avropa İttifaqı öz ödəniş sistemini inkişaf etdirməlidir.

“Onlayn mağazada, kartla və ya telefonla ödəniş edəndə həmişə qeyri-Avropa texnologiyasından istifadə edirsiniz. Avropa İttifaqı rəqəmsal ödənişlər üzərində nəzarəti gücləndirməli, ABŞ və Çindən asılı olmayan alternativ variantlar təqdim etməlidir”, ‒ deyə o bildirib .

Ümumiyyətlə, müzakirə təkcə maliyyə deyil, həm də müdafiə və ticarətlə bağlıdır. K.Laqard Avropa daxili kapital bazarını gücləndirməyin, vahid nəzarət yaratmağın və iqtisadi artıma maneələri aradan qaldırmağın vacibliyini vurğulayıb.

Beynəlxalq Valyuta Fondu hesab edir ki, xidmətlər sektorunda daxili məhdudiyyətlər tariflərin 110 %-nə, mal ticarətində isə 40 %-ə bərabərdir.

Qeyd edək ki, Aİ ABŞ-nin tarif siyasətinə qarşılıq vermək barədə qərara gəlib. D.Tramp isə Aİ-nin ticarət məsələlərində ABŞ-yə qarşı çox pis davrandıqlarını, lakin bununla bağlı hər hansı danışıqlara maraqlı olmadığını bəyan edib.