Türkiyədə İŞİD-ə qarşı əməliyyatda 33 nəfər saxlanıldı

Türkiyənin Sakarya vilayətində İŞİD terror qruplaşmasının üzvlərinə qarşı həyata keçirilən “Bozdoğan-11” əməliyyatlarında 33 şübhəli şəxs saxlanılıb.

Bu barədə Türkiyə daxili işlər naziri Ali Yerlikaya bildirib.

Qeyd olunub ki, saxlanılan şəxslər ölkədə 31 mart tarixində keçiriləcək bələdiyyə seçkiləri öncəsi terror aktı törətməkdə şübhəli bilinir.

Keçirilən əməliyyat tədbirləri nəticəsində 4 sənədsiz tapança, 2 tüfəng, külli miqdarda xarici valyuta və çoxlu sayda qadağan olunmuş nəşrlər və təşkilati sənədlər ələ keçirilib.