Ukraynadan Gürcüstana etiraz | Seçki kampaniyasındakı şəkillər aranı qarışdırdı

Ukrayna Xarici İşlər Nazirliyi hakim “Gürcü Arzusu” partiyasının seçki öncəsi siyasi reklamlarda Rusiyanın cavab atəşi nəticəsində Ukrayna şəhərlərinin dağıntılara məruz qalmasını əks etdirən bannerlərdən istifadə etməsini pisləyib və yolverilməz adlandırıb.

Ukrayna diplomatları Gürcüstan hökumətini, hakim partiyanı və bütün maraqlı tərəfləri Gürcüstanda daxili siyasi mübarizədə Ukraynaya və onun vətəndaşlarına qarşı müharibə mövzusundan istifadə etməkdən çəkinməyə çağırıblar.

Buna baxmayaraq, ölkənin XİN-dən bildirilib ki, Ukrayna sərhədləri daxilində Gürcüstanın suverenliyini və ərazi bütövlüyünü dəstəkləməyə davam edəcək.

Rəsmi Kiyev ümid edir ki, Gürcüstanda cari ilin oktyabrın 26-da keçirilməsi planlaşdırılan parlament seçkiləri “dinc və demokratik şəraitdə” baş tutacaq, ölkə əhalisi Aİ və NATO-ya daxil olmaq istiqamətində strateji kursunu davam etdirəcək.