Bakıdakı qandonduran qətlin təfərrüatı | 22 il əvvəl törədilən cinayət

22 il əvvəl Bakıda azyaşlıya qarşı zorakılıq etməklə onu qətlə yetirməkdə təqsirləndirilən İsmayıl Quliyev və Alidə Qadaşovanın cinayət işinin məhkəmə istintaqı başlayıb.

Bakı Ağır Cinayətlər Məhkəməsinin hakimi Fəxri Məmmədovun sədrliyi ilə keçirilən hazırlıq iclasında müdafiə tərəfi cinayət işinin azyaşlıya qarşı zorakılıq edilməsi ilə bağlı olduğundan prosesin qapalı keçirilməsi üçün vəsatət qaldırıb. Məhkəmə isə sözügedən azyaşlının həyatda olmadığını əsas gətirərək prosesin qapalı keçirilməsini əsassız hesab etməklə vəsatəti təmin etməyib.

Qeyd edək ki, sözügedən dəhşətli cinayət 22 il əvvəl Bakının Hövsan qəsəbəsində qeydə alınıb. Təqsirləndirilən Alidə Qadaşova azyaşlı qız övladına qarşı bir çox zorakılıq hərəkətləri etməklə onu xüsusi amansızlıqla qətlə yetirməkdə təqsirləndirilir. Digər təqsirləndirilən İsmayıl Quliyev isə həmin azyaşlını zorlamaqda günahlandırılır.

Hər iki təqsirləndirilənə qarşı Cinayət Məcəlləsinin bir neçə ağır maddəsi ilə cinayət işi açılaraq ittiham irəli sürülüb.