Xəzər rayonunda qumbara tapılıb

Xəzər rayonunda hərbi sursat aşkarlanıb.

Əraziyə Fövqəladə Hallar Nazirliyinin Xüsusi Riskli Xilasetmə Xidmətinin minalardan təmizləmə üzrə çevik qrupu cəlb edilib. Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görülüb.

Daha sonra hadisə yerinə baxış zamanı aşkarlanan sursatın döyüş tətbiqinə yararlı bir ədəd RQD-5 əl qumbarası olduğu müəyyənləşib.

Sursat Fövqəladə Hallar Nazirliyinin mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb. Hadisə yerində və yaxın ərazidə əlavə axtarış zamanı digər hər hansı təhlükəli və ya şübhəli əşya aşkarlanmayıb.