"Azərbaycana təşəkkür edirik" | SOCAR-dan Ukrayna xalqı üçün humanist addım - Baku TV
Ukraynada Rusiyanın hava zərbələri və sərt şaxtalar nəticəsində yaranan enerji böhranı fonunda Azərbaycanın humanitar yardımı və dəstəyi davam edir.
Bu missiya çərçivəsində "SOCAR Energy Ukraine"in Kiyev vilayətindəki yanacaq doldurma məntəqələrində sakinlərə dəstək nöqtələri yaradılıb.
Belə ki, işıq və istilik çatışmazlığından əziyyət çəkən Kiyev sakinləri burada fasiləsiz enerji, istilik və yüngül qidalarla ödənişsiz təmin olunurlar.
SOCAR Ukraynanın digər vilayətlərindəki bütün obyektlərində də bu kimi nöqtələri tezliklə istifadəyə verməyi planlaşdırır.
Bunlar ümumi olaraq dözümlülük məntəqələri adlandırılır. Buna səbəb Kiyev başda olmaqla Ukraynanın əksər vilayətlərində sərt şaxtalar fonunda kəskin enerji və istilik çatışmazlığı səbəbindən həyatın dözülməz vəziyyətdə olmasıdır.
Kiyev sakinləri sözügedən təşəbbüs barədə təəssüratlarını bölüşərək Azərbaycana təşəkkürlərini bildiriblər.
“SOCAR-ın bu humanist addımı soyuqdan əziyyət çəkən insanlar üçün bir ümid yeridir. Burada rahat qidalana və isinə bilirik. Bu təşəbbüs həm dövlətlərimiz, həm də xalqlarımız arasında mövcud olan münasibətlərin səmimiyyətindən və möhkəmliyindən xəbər verir”, – deyə Nadejda Mixaylova söyləyib.
#Ukrayna teqi istifadə olunub
- İstilikdən məhrum olan Kiyev sakinləri çadırlara köçür - Baku TV
- Ukrayna və Moldova MDB-dən çıxıb Brüsselə üz tutur - Baku TV
- Keçmiş baş nazir yalan xəbərlər yaymaqda ittiham olunur
- Ukraynaya növbəti yardım paketi Sumqayıtdan yola salındı - Baku TV
- Avstriyada Ukraynaya yardım səbəbindən XİN rəhbərinin istefası tələb olunur
