Şuşa şəhərində SOCAR brendli ilk stasionar yanacaqdoldurma stansiyası istifadəyə verildi
Şuşa şəhərində SOCAR brendli ilk stasionar yanacaqdoldurma stansiyası istifadəyə verilib.
Yeni yanacaqdoldurma stansiyasının açılış mərasimində “SOCAR Petroleum” QSC-nin rəhbər heyəti və qonaqlar iştirak ediblər. Tədbirdə son illər ərzində görülən işlər və qarşıda duran hədəflər haqqında məlumat verilib. “SOCAR Petroleum” QSC-nin Qarabağ və Şərqi Zəngəzur iqtisadi rayonlarındakı fəaliyyətindən bəhs olunub.
Qeyd edək ki, ölkəmizdə məşğulluq səviyyəsinin artırılması və əhalinin sosial rifahının yaxşılaşdırılması məqsədilə yanacaqdoldurma stansiyasında 26 yeni iş yeri də yaradılıb.
Sürücülərin ən çox istifadə etdiyi yollardan olan Şuşa-Xankəndi-Laçın yolunda fəaliyyətə başlayan yeni yanacaqdoldurma stansiyasında 3 yanacaqpaylayıcı kalonka quraşdırılıb. Burada “Aİ-92”, “Aİ-95” Premium, “Aİ-98” Super və “Dizel” markalı yanacaq məhsullarının satışı həyata keçirilir.
Eyni zamanda elektromobillər də nəzərə alınaraq stansiyada enerji doldurma məntəqəsi də istismara verilib. Yanacaqdoldurma stansiyası nağdsız satış üçün POS-terminallar ilə təchiz edilib.
Xatırladaq ki, hazırda fəaliyyətə başlayan yanacaqdoldurma stansiyası ilə birlikdə ölkə ərazisində SOCAR brendli 69 yanacaqdoldurma stansiyası və 13 neft bazası sahəsi fəaliyyət göstərir. Onlardan 9-u işğaldan azad edilən Qarabağ və Şərqi Zəngəzur iqtisadi rayonlarında yerləşir.
#Qarabağ teqi istifadə olunub
- Ermənistandakı azərbaycandilli media layihəsi fəaliyyətini niyə dayandırdı? - Baku TV
- Azad edilmiş ərazilərdə torpaqların icarəsinə start verildi
- "Azərbaycan hərbi baxımdan həmişə Ermənistanı üstələyib" | Ruben Rubinyan - Baku TV
- Ağdərədə mal-qara otaran kənd sakini minaya düşdü - Baku TV CANLI
- Paşinyan Qarabağ danışıqlarına aid yayımlanan sənədlərə münasibət bildirdi - Baku TV CANLI
