İqtisadiyyat
Pleyeri seçin:
Türkiyənin interneti gücləndirilir | “SOCAR Fiber” və “TurkNet” arasındakı razılaşmanın detalları
“SOCAR Turkiye Enerji”nin törəmə müəsisəsi olan “SOCAR Fiber” və “TurkNet” şirkəti Türkiyənin internet infrastrukturunu gücləndirmək məqsədilə strateji əməkdaşlıq sazişi imzalayıb.
Bu barədə “Report” “SOCAR Turkiye Enerji”nin sosial şəbəkələrdəki məlumatına istinadən xəbər verir.
"Layihə çərçivəsində TANAP qaz kəməri boyunca uzanan 1 850 km uzunluğundakı “SOCAR Fiber”in fiber-optik rabitə xətti “TurkNet”in magistral şəbəkəsinə inteqrasiya ediləcək", – deyə məlumatda bildirilib.
Qeyd olunub ki, əməkdaşlıq çərçivəsində Gürcüstandan Yunanıstana qədər uzanan bu fiber-optik rabitə xətti indi Bursa, Eskişehir, Ankara, Sivas, Ərzurum və Qars şəhərləri yaxınlığından da keçəcək və bu yaşayış məntəqələrindəki istifadəçilərə yüksək sürətli və sabit internet bağlantısı təmin edəcək.
Kopyalandı
Seçilmişlər
