Abonentlərə vacib xəbər | Rəsmi qurumdan açıqlama - Baku TV

SOCAR-ın "Azəriqaz" İstehsalat Birliyi bayram günlərində xidmətini davam etdirəcək.

Bu barədə qurumdan məlumat verilib.

Bildirilib ki, "Azəriqaz"ın Müştəri xidmətləri şöbəsinin əməkdaşları martın 20-dən 29-na kimi saat 10:00-dan 17:00-a qədər fəaliyyət göstərəcək.

Xidmət Bakı və Sumqayıt Regional Qaz İstismar İdarələrinin inzibati binalarında, eləcə də Xəzər, Qaradağ və Abşeron xidmət sahələrində təşkil olunacaq. Həmçinin Bakı RQİİ-nin bütün xidmət sahələrində, eynilə bölgələrdə də növbəlilik tətbiq etməklə Birliyin müvafiq sayda əməkdaşları iş başında olacaqlar.

Martın 20-dən 29-na qədər "ASAN Kommunal" və "ASAN xidmət" mərkəzlərində qeyri-iş günü olduğundan martın 30-dan vətəndaşlara xidmət göstəriləcək.

Abonentlər qaz təchizatında yarana biləcək istənilən çətinliklərlə bağlı dərhal 7/24 fəaliyyət göstərən “104” çağrı mərkəzinə məlumat verə bilərlər.