Bakıda hava necə olacaq? | Hava haqqında məlumat

İyunun 15-i və 16-da Bakıda və Abşeron yarımadasında hava şəraiti dəyişkən buludlu, əsasən yağmursuz keçəcək.

Bu barədə Milli Hidrometeorologiya Xidmətindən məlumat verilib.

Bildirilib ki, iyunun 16-sı səhər saatlarında yarımadanın bəzi yerlərində qısamüddətli az yağış yağacağı ehtimal olunur. Mülayim şimal-qərb küləyi 16-sı gündüzdən 17-si gündüzədək arabir güclənəcək. Havanın maksimal temperaturu 25-28 dərəcə isti olacaq.

Bölgələrdə də iyunun 15-dən şimal və qərb rayonlarından başlayaraq bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə yağıntının leysan xarakterli intensiv olacağı, dolu düşəcəyi ehtimal olunur.

Mülayim qərb küləyi bəzi bölgələrdə arabir güclənəcək. Havanın maksimal temperaturu Aran rayonlarında 28-33, dağlıq ərazilərdə isə 15-18 dərəcə isti olacaq.