“Bu 30 faizin böyük hissəsi...” | Zaur Mikayılov Azərbaycanın su ehtiyatlarından danışdı - Baku TV

“Azərbaycanın su ehtiyatlarının təxminən 70 %-i transsərhəd çaylardan gəlir, 30 %-i isə daxili su resurslarımızdır. Bu 30 %-in böyük hissəsi məhz Qarabağ bölgəsinin payına düşür”.

Bu barədə Azərbaycan Dövlət Su Ehtiyatları Agentliyinin (ADSEA) sədri Zaur Mikayılov “Report” İnformasiya Agentliyinə müsahibəsi zamanı bildirib.

Qurum rəsmisi qeyd edib ki, Qarabağ su ehtiyatları baxımından əsas mənbələrdən biri hesab olunur:

“Eyni zamanda Suqovuşan tənzimləyici anbar funksiyasını yerinə yetirir. Bundan əlavə, Sərsəng su anbarı da mövcuddur ki, onun tutumu 560 milyon kubmetrdir. Bu il onun təmirinə başlanılacaq. Çünki həmin su ehtiyatlarından uzun müddət düzgün və dayanıqlı istifadə olunmayıb”.