Gənclərin virtual məkanda ictimai məsuliyyəti

Sosial şəbəkələrdə davranışla bağlı dərslik hazırlanmalıdır.

Bunu Milli Məclisin İnsan hüquqları komitəsinin üzvü Hikmət Babaoğlu parlamentin bugünkü plenar iclasında çıxışı zamanı deyib.

Millət vəkili bildirib ki, bu dərs təhsil müəssisələrində şagirdlərə tədris edilməlidir:

“Azərbaycan təhsilində keçirilən dərin islahatlar kontektsində gənclərin sosial şəbəkələrdə etikası, sosial şəbəkələrdə hüquq və hüquq pozuntuları kimi dərsliklər hazırlamalı və yuxarı sinif şagirdlərinə tədris edilməlidir. Bu tədrislə onlar real cəmiyyətdə olduğu kimi, virtual məkanda da özlərinin ictimai məsuliyyətlərini hiss edəcəklər. Biz onların enerjilərinin həm milli maraqlar istiqamətinə səfərbər olunmasına xidmət etmiş, həm də yüksək maarifləndirmə işləri həyata keçirmiş olarıq”.