“İntensiv yağışlar zamanı dözümlülük kifayət etmir” | Zaur Mikayılovdan vacib açıqlamalar - Baku TV

“Normalda 7 ay ərzində yağan yağış 2 günə düşür. Bu o deməkdir ki, kanalizasiya sistemləri 210 günə hesablanmış su həcmini cəmi 2 gün ərzində qəbul etməlidir”.

Bunu “Report” İnformasiya Agentliyinə Azərbaycan Dövlət Su Ehtiyatları Agentliyinin (ADSEA) sədri Zaur Mikayılov bildirib.

Son günlər normadan artıq yağan yağışlardan sonra kanalizasiya xətləri və ötürücülük qabiliyyəti məhdud olan kollektorların ifrat yüklənməsi ilə bağlı danışan qurum rəsmisi bildirib ki, belə halda kanalizasiya xətlərinin indikindən onlarla dəfə böyük olması tələb olunar ki, bu da real deyil və texniki baxımdan mümkün sayılmır:

“Bununla yanaşı, mövcud infrastrukturun vəziyyəti də mühüm rol oynayır. İstismar etdiyimiz kanalizasiya sistemlərinin bir hissəsi köhnəlib və onların istifadəsində müəyyən problemlər mövcuddur. Bu da belə hallarda problemlərin daha qabarıq şəkildə üzə çıxmasına səbəb olur”.