Qubadakı Bayraq Muzeyindən maraqlı görüntülər - Baku TV

2017-ci ildən fəaliyyət göstərən Quba Bayraq Muzeyi ziyarətçilərə Azərbaycanın zəngin tarixi keçmişini nümayiş etdirir. Sərgi zallarında Azərbaycanın xanlıqlar dövrünü əhatə edən xəritəsi, həmin dövrə aid olan bayraqlar, həmçinin orta əsrlərin döyüşçülərini canlandıran maketlər və digər tarixi eksponatlar yer alır.

Muzeyin əməkdaşı Simnarə Tağıyeva mədəniyyət ocağındakı eksponatlar barədə danışıb:

“Muzeyimizdə tariximizi əks etdirən qədim pul vahidləri, eləcə də müstəqilliyimizi təcəssüm etdirən dövlət rəmzləri, poçt markaları, Konstitusiya və orta əsrlərə məxsus döyüşçü maketləri haqqında ziyarətçilərə ətraflı məlumat verilir. Bura gələn turistlərin diqqətini xüsusilə xanlıqlar dövrünə aid bayraqlarımız cəlb edir”.