"Avroviziya-2026" mahnı müsabiqəsinin qalibi məlum oldu - Baku TV

Bolqarıstan təmsilçisi "Dara" ləqəbli Darina Yotova Avstriyada keçirilən "Avroviziya – 2026"da "Bangaranga" mahnısı ilə qalib gəlib.

Onun musiqisi finalda 516 səs toplayıb. Beynəlxalq mahnı müsabiqəsində ikinci yeri İsrail təmsilçisi tutub.

70 yaşlı "Avroviziya"nın finalı 10 000 tamaşaçının toplaşdığı konsert zalında keçirilib. Müsabiqəyə pop müğənnisi Viktoriya Svarovski və aktyor Mixael Ostrovski aparıcılıq ediblər.

Bu il isə müsabiqədə antirekord qeydə alınıb. Belə ki, son 20 ildə ən az iştirakçı sayı qeydə alınıb. 2016-cı ildə "Avroviziya"ya 42 ölkə, 2026-cı ildə isə 35 ölkə qatılıb. İrlandiya, İslandiya, İspaniya, Niderland və Sloveniya müsabiqəyə qatılmayıb. Bu ölkələr İsrailin Qəzza sakinlərinə qarşı hərəkətlərinə etiraz olaraq onun "Avroviziya – 2026"da iştirakı səbəbindən müsabiqəni tərk edib.

Avropa Yayım Birliyi Ukraynaya qarşı münaqişə səbəbindən Rusiyanı 2022-ci ildən etibarən "Avroviziya"dan uzaqlaşdırıb.