"Adını şəhər qoyublar, kəndə layiq deyil" | Xırdalanda xaotik vəziyyətin səbəbi nədir? - Baku TV

Xırdalan şəhəri, Heydər Əliyev prospektində yerləşən “Kristal” restoran vətəndaşların hərəkətini çətinləşdirib.

Bundan əlavə, obyektin qarşısında saxlanılan avtomobillər də vətəndaşların gediş-gəlişinə mane olur. Nəticədə, sakinlər məcbur olub yolun hərəkət hissəsinə çıxırlar. Xırdalanda problem təkcə bununla bitmir.

Şəhərin mərkəzi küçələri sakinlər üçün artıq dözülməz hala gəlib. Buradakı çoxmərtəbəli binalar və bu binaların altında fəaliyyət göstərən ictimai obyektlər vəziyyəti daha da mürəkkəbləşdirir. Xüsusilə, Heydər Əliyev prospektindəki mərkəzi küçədə uzun tıxaclar müşahidə edilir.

Sakinlər aidiyyəti qurumlardan problemin həlli istiqamətində müvafiq tədbirlər görmələrini tələb edirlər.