"Qədeş Bala" meyxananın başını niyə atdı? - "Bahalı həyat"ı kasıb ailədə yaşamışıq" | O VAXTLAR

“O vaxtlar” verilişinin budəfəki qəhrəmanı çayçı Emil Babayev olub.

O, uşaqlıq xatirələrindən söz açıb.

“Mən uşaq olanda dostlarımla həyətdə çoxlu oyunlar oynayardım. Bizim əyləncələrimiz təbii idi. O günlər üçün çox darıxıram. Sinifdə dəcəllik edəndə müəllim bizi danlayar, nar çubuğu ilə əlimizə vurardı. Bu hadisəni evdə danışmağa qorxardıq ki, birdən valideynimiz bizi cəzalandırar. İndi isə hər şey dəyişib. Müəllim uşağın qulağını çəkən kimi onu şikayət edirlər”, – deyə o bildirib.

Əvvəllər meyxana deyən Emil Babayev bu sahədən uzaqlaşması barədə danışıb:

“Şeir, bədiyyə yazıram. Əvvəllər meyxana demişəm. Amma bu sahəni davam etdirmədim. Çünki meyxana məclisləri gecələr təşkil olunurdu. Buna görə qərar verdim ki, xidmət sahəsinə yönəlim”.