Yaddaş sistemi necə işləyir? | Amerikalı alimlərdən maraqlı məlumatlar

Bir qrup amerikalı alim göz bəbəklərinin ölçüsünün beyinin necə işlədiyini göstərən yeni bir araşdırma aparıblar.

Tədqiqat zamanı siçanların beyinlərinə elektrodlar yerləşdirilib. Göz bəbəklərinin dəyişikliklərini izləmək üçün isə xüsusi kameralardan istifadə edilib.

Yuxu zamanı siçanların göz bəbəklərinin ölçülərində baş verən dəyişikliklər və beyin aktivliyi paralel olaraq izlənilib. Müəyyən olunub ki, göz bəbəklərinin kiçildiyi fazalarda beyin yeni öyrənilmiş məlumatları emal edib. Göz bəbəklərinin genişlənməsi isə köhnə məlumatların yenidən aktivləşdirildiyini göstərir.

Elm adamlarının fikrincə, bu mexanizmlər beyinin yaddaş sistemlərinin necə işlədiyinə dair dərin anlayış təmin edir. Yeni öyrənmə və köhnə biliklər arasındakı bu tarazlıq beyinin yaddaşları qarışdırmadan necə idarə olunduğunu nümayiş etdirib.

Tədqiqatın nəticələri yaddaşın gücləndirilməsi üçün yeni texnologiyaların yaradılması və süni intellekt sistemlərinin inkişafına töhfə verə bilər.